笑看人生 7月6日

俊朗如梁朝偉，待人彬彬有禮，做事切合實際，所學配合發揮，孝順父母敬愛兄弟，做人不怕蝕底，良好人際關係，年薪豐厚身居高位，年少有為生肖屬雞，認識女仔老鼠拉龜，偶然上網HlCAMP WEBSlTE，亞SAM介紹零舍生鬼，紐新康州南北東西，線路新鮮山靚景威。是以報名第一開駕車仔，遇着靚女請坐頭位，遇啱投緣不收車費。7月6日四湖串遊山高水低，CRANBERRY MOUNTAIN一覽無遺，一行直奔山火瞭望塔底，歡天喜地踏上樓梯，攀上塔頂位高勢危，極目遠望LAKE WELCH湖之巡禮，沙灘美女身材好睇，青葱綠野萬里光輝，陣陣凉風吹透汗濕的身體，眼睛微閉，呼吸得體可以補肺。沿路手到口到藍莓，紅莓果實飄香，吃得樂透，長食長有。下探第一美湖像有古典美之楊貴妃，第二個似現代美人鞏俐，笫三個如珠圆玉潤朱咪咪，第四個正有藝術氣質的真加美。讓人評頭品足，各有不同品味。每個都可繞遊一周，盡覽細味。湖實為食水庫，大魚越養越肥，正是大好商機，午夜潛入一網撈起，唔發達至奇？最驚係腳踏正條蛇尾，成個人跳起，隻黑熊又企正隔離，問你點死？偷魚不是遊戲、做人最好腳踏實地，投機取巧好易一敗塗地、六合彩票不如買多張飛。