HELEN姊遠道回娘家，新州搭火車來布碌侖，車程有番咁上下，有白菓送俺説道樹上熟咁話，對老夫咁好我幾乎以為係亞爸。她説18大道紅日酒家，俺話禮拜車疏又無小巴，不如唐人街近D我請飲茶，她説唐人街唔熟路差過 LOUISA，卒之一人行一歩約定在 WORLD TRADE CETER，剛巧夢姨要求秋後算賬咁話，決定一舉兩得在8大道迎賓飲茶，夢姨實行攪大放上 WECHAT 搵多D人參加，飲完茶逛海邉編織冬天的童話，黄昏睇聖誕燈飾，節目密麻麻。 ＊＊ 之 1 以為夢姨係籌委會主席誇啦啦，點知她把俺擺上神枱當堂氣瓜，當天早上微信只有 MONISA 與 LINDA 答話，照樣依時出發懶理其他，湊巧小兒駛車出唐人街就順風一下，科西街落車感前列腺奇差，買杯咖啡志在借厠所用下，行落中央街搭N車，等成半粒鐘雙脚幾乎硬化，出8大道車站時間尚早，行入飛龍超市巡査，同夢姨通過電話，有6個人參加，HELEN姊話拖两個同来飲茶，9點半行入迎賓覇張大枱開茶，約定時間未見人影，證明住得越近越會遲到所言不差，老鄧拖住LILY姊排場似君臨天下，老夫羡慕讃賞不在話下，夢姨仔女請遊船河，開心到依起棚牙，紅姊無見成年經常旅遊，依然酷愛两種花，有錢花，随便花。鐘意搵銀周公堂妺LOUISA，真係廋得瀟灑，HELEN姊話湖北是她鄕下，老公係講義大利話，鐘意她煮所以提早歸家，同來亞姊玩陸通拳，講人體穴道出神入化，拎住俺隻手又摩又揸 ＊＊ 之2 迎賓水滾茶靚點心唔差，大家坐埋岩傾難免吱吱揸揸，不經不覺两粒鐘坐到屁股開花，埋單毎人$ 7 味美廉價，跨過 I–278橋面就係紅姊之家，正一紅牆緑瓦，夢姨話來過不入，見有辣椒摘隻脚就唔聽話，葉都唔放過除了樹椏，紅姊招呼普洱香茶，還有豬脚薑厨藝功夫到家，雖然老薑老過俺媽，竟然做到唔辣重鬆化，豬脚骨肉分離入口即化，醋香醇厚誇啦啦，剛巧老公歸家，同周兄問候您好嗎? 皮膚似古天樂，貌像任達華，結實重有手瓜，談吐温文爾雅，两個真係完美無瑕，鐵口直批两公婆絶少吵架。拜別周兄出門口，周師奶忘帶鎖匙，冠上綽號大頭蝦。6大道68街漫歩到2大道，尋找 史提夫之家，夢姨介紹裝修豪華，儼如地産専家，不過亞叔同VENESA遊玩歌斯達尼加。走過多條街道，两旁已有聖誕燈篩懸掛，計劃向1OO街直下探 SONIA ，可惜脚痛難頂還是早點囘家，3個靚姊陪老夫搭地鐡 NO.R。夢姨陪落閘口碌卡，真係好照顧老人家。
